[月經] 香港打份牛工 VS 日本人做奴隸

日本part time嘅工種有啲咩

大量, 根本體力勞動同拋頭露面既兼職大把, 仲幾高人工但通常只會請後生仔.

如果你地睇過一本日本漫畫叫「吸血大耳窿」，唔好睇佢地點樣爭大耳窿錢既情況，只係睇日本人既生活已經覺得日本好向左走向右走灰，sad but ture

親戚於日本打工數年,略作分享

日本工作薪金比起樓主所講大概更高那麼一點點
親戚於日本打廚房工,主要做煮飯(地位唔算高),都有差唔多20萬YEN一個月
交通費方面,絕大多數長期僱員都實報實銷,每日計返你搭車個距離,由公司出錢
住方面最平都要50000以上,我親戚住62000YEN單位,兩層,每層大約有香港單人公屋一半咁多,加埋應該就大過單人公屋少少
食方面呢,日本大多數超市晚上都會打折,由20%OFF到半價,到定價50YEN都會有
我自己都掃左唔少食物當早餐食.

消閒方面,日本每個區都有免費設施
公園,池塘,體育館,花花草草小動物都有,我親戚O個區直情有隻馬仔,可以俾小朋友騎

我眼見好GE地方多,壞GE地方少
有機會我都想考慮下過去

一半喎
https://www.youtube.com/watch?v=EFmHDW_HaJ4

香港是普通人有發達希望的地方
全世界很多地方的人
包括日本人也如此想

在日本，普通人不會存有任何在本土能發達的幻想

大家有無睇飛特族、買個家
個男主角搵極都搵唔到長工，係三流大學畢業
最終去左做地盤

香港人鍾意投機，炒股炒樓炒iphone，發達機會當然多
日本人響我眼中係生意白痴

睇曬巴打D回覆:

如果係草根階層,日本比香港好,因為日本有好多能維持衣食住行的PART TIME,香港要做二三份先夠;但草根以上(文職,專業人士等),香港一定比日本好,起碼香港搵份長工一定易過日本人N倍,生活更有保障,而且稅比日本低

點解日本人發展唔到北歐果種福利主義？
照計日本咁多大品牌，個政府又咁有錢，理應可以令財富更加平均

上年o係日本好多電視節目都講緊
但問題係要break down佢而家個年金, 保險, 稅收system先

一提一定大把人反對

20 萬yen?黑工?
樓面都冇咁低啦
可唔可以講下係邊到做?

東京都囉
我都係聽佢講
中國人打中國人工梗係俾人壓架啦
全世界有咩人種比中國人更擅長壓自己人

係個邊入到名唔名大學都唔等於0的咩
好多日本大學生畢業之後都未必搵到工。
反而專門學校就真係多人請

其實有巴打講得0岩,大家都只係食緊屎,
可能人地個舊叫好少少咁解JAI...

20萬yen o係東京好正常喎, 黑咩工。
自己睇下東京最低賃金幾多先話人壓....

我都有親戚係日本做中菜，但係佢人工係四十萬（未計其他住屋，交通津貼）個老細吾知算吾算係中國人，係日本土生土長幾代之前已經係日本生活

東京求其去一間居酒屋做侍應都有22一28萬La

係中國你一定要搵個門路創業
打工係用黎搵本金,做生意先有希望突破牛工既加鎖

正因為香港人工低,先方便左創業
如果一開始就想開間實店出黎,搵番黎既錢都唔知夠唔夠交租
因此網上開店成為左可行既起點

當你做到上左軌道,先試下請CHEAP LABOUR幫手生產

你都識講,香港創業交租都交死你,仲講咩發達
反而日本可以去d東京以外既地方開間鋪頭仔賣下野,已經可以足夠養活自己兼有車有樓

因日本係終極岐視唔自力更生既人, 除非你既背景真係終極堪坷, 唔係你食阿公連飛仔都睇你唔起

SO, 日本人既儲蓄率極高就係有咩事都可以食自己. 佢地好過隠就係佢地又唔介意D人衰到貼地.(因男人係可以能屈能伸)
即係就算你係個男人俾人知你訓街都好過俾人知你住公屋, 你去拎食物緩助好過拎救濟金.
係香港會講咩人都有尊嚴, 但日本人心裏面覺得失業者(尤其男人)無資格講尊嚴, 你同人講D人就話你自視過高, 有睇開日劇就知我講咩.

但有樣要讚係佢地好有自強不息既態度, 呢點我覺得日本唔會沉淪既原因. 佢地D 大企業既社會補助係好多, 但多數都係提升國家國民質素方面, 如搞體育文藝無償科研公共設施等. 唔同我地D企業要改善形像就搞D所謂既關愛基金咁濫情又無咩作用.