[月經] 香港打份牛工 VS 日本人做奴隸

日本經濟差 ?

常聽到日本經濟好差,
昨晚爸爸節目又講日本經濟.真心係想各位討教 .
http://hkreporter.com/channel_list.php?channelid=297
我出發點唔係抽爸爸水.不過歡迎大家來抽爸爸水 .

日本經濟差,但打牛份工養唔養得起自己呢 ?

早兩年去過兩次日本,女友買嘢.而我當然係八
見佢地好多店都請人 .
雖然可能臨時工 . 便利店,一小時都有800Yen,夜班可1000Yen以上.
若果每日都可以開五個鐘.一個月150小時.
可得120000-150000yen一個月.

比一比衣食住行 ?

住
見好多地產舖門口貼的廣告,公寓月租50000~60000yen.
而家上網再睇返,都係50000 - 60000
http://www.j-fun.com.tw/house/house3.html

新宿,高田馬場(記得好似一個站就到新宿)有約60000yen樓下出租.
都算肆正,點都好過我地劏房籠屋 .
比例上只係50-60小時工資就可以交一個月租 .
香港 ? 若領最低工資就Hi Hi囉.100個小時薪金或以上 .

行
行可能係最貴,搭一個站都好似200~300yen
但去到比較遠,都只係吃你一個小時的薪金.
做得便利店,應該盡量選屋企附近的店 ?

食
去遊客區吃拉麵,聽講呢個麵店都好出名.幾百yen,兩碗加埋都係千幾.
新宿火車站外拉麵車,只係三百幾yen
吉野家呢類快餐,或者歌舞妓町大小舖吃一客飯.都係幾百yen = 1小時薪金
以上都係遊客區價錢,應該有更平嘅選擇 ?
就當佢一個月要30000yen在吃的方面.

香港 ? 男人浪漫豆腐火腩飯或麥當奴大家樂 , 可能係你一個小時或以上的薪金.
可見日本食方面不比香港貴.

衣
雖然係必需品,但亦唔係每個月的必要開支.
遊客區百貨公司,幾千Yen一件的衫裙褲隨處可見.
就當等同香港衣物消費相等.

除此之外,水電煤/電話/上網/醫療其他...就唔知點計.

日本便利店員,打工150小時月入120000 - 150000
- 60000 租
- 30000 食
- 30000 行及衣(及水電煤/電話/上網/其他.雖然唔知夠唔夠,唔夠加長小小工時)

香港便利店員或領最底工資$28 ? 月做250 - 300小時.月入7-9000 ($28x9hrsx28日 = 252hrs = $7056)
- 3000 - 4000租(劏房價)
- 2000 食
- 1000 行及衣 + 500其他 (及水電煤/電話/上網/其他. $500得唔得?)

共 6500 - 7500

老燒於節目內,講百貨公司只係得本土品牌.
其實都唔係只得本土品牌 , 只係佢地用國貨為先 .
佢地崇外 , 不過唔會全都用於外國貨上.

反觀香港商場 , 真係衫褲鞋都係外國品牌 (雖然大多數都係 made in china)

記得唔知邊個講過 , 香港係消費天堂 , 但係創作者地獄.
創作一個品牌都係 ,
香港人寧願二流價錢, 買三四流品質的外國品牌貨
都唔肯三流價錢, 買二三流品質的香港品牌貨

（未去過日本既人既觀感，歡迎指正）
響日本，你入唔到名大學，咁就一世
響香港你中五畢業或者IVE出身都可以靠工作經驗或者考警察
香港社會流動性高好多(好似係)，鍾意跳槽就跳槽
日本你做唔到正式社員，做無福利既freeter
香港就進貢俾地產商
日本亦好多人要訓街訓網吧，住膠囊酒店，又或者租好up dup果d兩層公寓
交通費香港算平
一分錢一分貨，未漏輻射前日本食物總好過香港劣食

大家都以打一份最低下工種來比.
係唔係正式員工 , 就如香港有份較好條件的工作 .

香港同樣好多訓街 , 呢d事件好難比較 .
係唔係唔肯面對現實環境去做條件較差的工作 ?
定真係乜工都搵唔到 ? 呢個真係佢地自己先知道 .

日本仔啲自殺率其實已經反映到佢地高度現代化都市化壓力幾向左走向右走大啦，如果唔係都唔會有東京熱呢啲野

係果邊打工, 真係好過HK 多多聲
工作雖嚴謹
但真係工作同收入成正比
打下part time 都夠日常生活
所以好多一上大學就搬出來住


大學畢業生初出來文職18-20 萬Yen
但你去做d 拉麵學徒都25萬yen
勞力既工唔代表低人工
d 人成日話日本失業, 只不過係佢地搵唔到長工姐
part time, 度度都大把有得搵

仲有日本大把大學唔同HK
你有100個高中位就差不多有100個大學學位(私+公)
只要你夠分pass 到就可以入(入唔入到你想個科就.....)
專門學校就仲多

日本水電媒係貴香港好多，一間屋仲有好多消費。
食物方便你日日頂三百YEN面，我想你都係自制飯盒好拉。

日本無錢食的食物只能係預制件，一碗似樣D的拉面係最平最平要750YEN以上 （係東京）
如果講新鮮食物，同等質量的係香港三倍以上。

仲有，年收入650K以上就要交稅，最底稅係5﹪，最CHEAP人都要交57.5 K 稅一年。

日本人買樓平過香港好多, 只要唔係東京都, 有份文職, 一個人供樓都唔係咩大問題。
當然唔係d咩豪宅。

番工一星期番40個鐘, 老闆都唔會想你番多, 因為要補水(人工要乘1.25)

不過, 食野真係好拎貴, 平時我都係自己煮多。

好多香港人仲停留緊日本80年代經濟泡沫時期,
供幾代人先買到樓呢種思維
成日話,睇下人地要供幾代

日本奴隸工非一朝一夕，根本係本土文化，但起碼我去果時見洗衣店1000yen/h…夜班1200/h添，間野亦唔似大連鎖店，我净係知肯做既，1h可以換1餐+車馬，香港？再講正因奴隸工文化，佢地習慣對每種工種都會尊重，背後唔知…但香港呢？當住你面睇你Hi Hi唔向左走向右走起…

日本仔祟外係想吸收鬼佬d好野 出發點=為自己國家著想
華人果種祟外 就純粹想令自己高人一等
連個出發點都低劣過人

我都有諗過

行過池袋，無敵家請個涮面仔，月薪三十三萬
東京市中心板間房，月租兩萬
衣就去原宿

不過我估UNEMPLOYMENT非常高，同埋好難做得長
OP假設左份工一定做得長

好多平價食物都係大陸產家，日本產的平價食物貴一點但不比大陸的好。
去幾日日本就話日本D食物好，去反一二個月可能你自已要找貴價廣東料理食了。
仲有日本一樣自我無償OT文化勁到爆橙，但係限於文職，好多文職話不如打便利店工好了。
香港死在無得走，日本人窮反鄉下，所以D人要一定價先會接受係東京都內的便利店打工，香港就。仲用所謂公屋褔利政策，再加蝗蟲到港，無限量供應廉價努工。

去超市一轉, 平的肉類產地如下:
豬肉(丹麥), 牛肉(美國, 澳洲), 雞肉(巴西), 腸仔(智利)

日本產就貴30%以上。

中國黎的我真係好少見, 現成食物(例如: 餃子)就多中國產。

醒起有樣野想話比大家知, 日本人食的三文魚係智利入口, 一d都唔好食。

有冇人有睇有線個空間大改造
日本買地連起屋都係2~3百萬 一定平過而家既香港

日本人, 一結婚做男人的就要頂起成頭家架啦, 女人留係屋企 ........ 所以日本男人 pressure 好大
唔似得香港人, 結左婚好多都公一份婆一份.

所以作以毒向左走向右走, 香港係好過日本的

傳統就係, 日本而家同香港一樣, 公一份婆一份唔知幾多。

日本人壓力一定無香港咁大,佢地失業起碼有政府養,公司又照顧員工,要OT既都係好少數

行
JR 1個站160YEN

食
拉麵一般500YEN起, 唔大食一定夠飽
汽水/茶就120YEN起, 有D家庭裝1L 都係一樣價錢