80後(85或之前), 很快我們30了...

係香港讀電影的確係好任性既一件事..... 屋企支持唔到千其唔好讀.

我有個中學女同學都係去左讀電影
依家佢去左做空姐
佢o係畢業時寫左篇日記
是咁的

學校就是在灌輸一些真實、寶貴知識的同時
卻用力地把現實擋在我們之外
他們總是一直告訴我們, 外面的天空很美, 你們要往外闖
他朝一日一定會有所收穫

可是, 當開始出去走兩步路, 你會被拉進現實

外面的天空原本是黑的
夢想不是拼了命豁出去就能成真
未來不一定建立在「一分耕耘, 一分收穫」之上
愛情那會停留在「從此王子跟公主永遠幸福快樂地生活」
遇到的每個人都無法印證人性本善這個信念

就算努力堅持
在身邊不停互相衝擊著的現實和理想都會讓你不得不動搖

「點解你有勇氣去死, 冇勇氣面對人生！！？」

因為當殘酷的現實日復日的呈現眼前
發覺當初父母與老師所說的話全都是騙你的時候
你就會明白, 活在這個每日被不同單位欺壓的世界
比死更難受

me too
我阿媽今年已經60啦
自從前年阿婆去左之後
望住阿媽,佢已經唔係以前既4x歲照顧我搵錢番尼養我既人
係一個婆婆,要仔女養同照顧既人
無記性,倫盡,老態出現
望住一個婆婆阿媽
唔知點解好心痛
我好驚阿媽會離開我
我好想比佢過d舒適既生活

講起父母就仲唔知點
睇緊佢地開始老就心痛
仲慘過自己老
有時諗, 我自己仲係好唔成熟, 點照顧佢地?
我又要返工
第日請個工人(屋企咁細, 點放個工人? 又驚工人對佢地唔好)定係送佢地去老人院 (我接受唔到呀)

又諗下到自己老左仲慘
因為冇兒冇女
要靠自己了

我放左好多灰

我好傳統
我覺得最好係一個family可以有個女人做全職家庭主婦
如果有小朋友自己照顧就最好
但都好重要既係可以"親手"照顧老人家

anyway, 要考慮的野太多

但點照顧父母呢個問題, 我真係諗左好耐

今時唔同往日
以前就話男主外,女主內
勤力同搵錢係成正比
而家好多人日日ot咁又點啫,都係得雞碎咁多人工
2公婆一齊出尼搵食先夠養一個家庭
除非你另一半好掂可以搵3皮一個月啦
若非如此,你都咪使旨意可以做家庭主婦

以前tvb有套戲,
蘇志威讀書時靚仔, 好波, 識唱歌
但出到社會踼波唔夠氣, 唱歌唔夠叻, 結果做渣貨van
人到中年圍又冇得發, 老婆又嫌佢冇出色

有次食糖水有人問佢以前唔會食甜野格?
佢苦笑咁答食得苦多咪食返d甜野囉

1999, 但我好有共嗚

絲打 其實你依家係咩心態
會唔會驚自己真係嫁唔出?
定係只係怕周圍既人比既壓力

Sorry, 老實講句女人 30 未搵到男友真係要諗諗....
到你搵到件, 會點? 拍幾年拖? 到結婚時幾歲? 如果拍拍下又散左咁點?
有乜男人會搵 30 女做女友? 可能會係年紀大 d, 或者結過婚想搵成熟 d 人做伴 ge 男人, 不過呢班男人大都有一定經濟基楚, 唔就又要諗諗
仲有樣要諗係, 會唔會生 bb ?
不過記住唔好咁悲觀, 有時可改變下自己 d 要求

唔知點解我依家唔係太鍾意出席同學既gathering

除左大學同學外.......其實數埋冇乜人事業特別有成....自己又唔係差到點

感情亦穩定....但好怕一班人坐埋又講下中學點....邊個邊個又點

唔知有冇巴打有我呢個情況
我對事業野心唔大，而家的職位同人工我覺得ok
自己冇負債，有少少積蓄
未諗住買樓，冇諗住買車，而家冇女友
公司同事太小圈子，冇乜幾句

我想講既係，我真係唔知為乜返工
完全係為工作而工作，每日重覆
心情好時都冇乜野
但心情一差就會諗，我究竟做緊乜撚野？
唔通咁就一世？
同阿媽講，佢剩係識得話＂你都快30歲啦，咪成個細路咁講埋d無謂野啦＂

唉

睇到d舊同學facebook，有三分一舊同學脫髮嚴重
有兩個光左頭

平均年齡29

前面有位巴打，無樓一望就望三百萬，點都圍皮呀
買樓上車但求又最能負擔既水平計起
唔好話衰到入屯門（得罪晒屯門巴打）
市區要買百零萬樓唔係真係好難搞

隨著年齡既增長，我發覺市面上女既選擇越來越多，我地做男人只會越來越charm,唔洗lu wor

有錢, 有事業就係, 唔係, 仲賤過地底泥

就係因為你既血緣先要生
唔係你有無能力,係要睇佢夠唔夠力
你唔生我唔生,人類滅絕
我真係好討厭D人自私到因為無能力比好生活下一代而唔生
我地老豆老母咪水係咁捱大我地,窮 , 要窮 得有骨氣 ,我老豆教既

但係生出黎冇能力養....
你都見而家d 90後架啦....
冇錢走去做媛交/走毒品.....
果下你都唔知會唔會激撚死....

我諗你要搞清楚時代既背景及社會因素，窮得有骨氣，無錯。上一代縱使學歷低，叫出賣勞力都叫做可以糊口養家，各行各業肯捱都叫做可以出人頭地。我唔係話而家無機會，但比率真係少之又少。呢個苦，比上一代都係更嚴峻。

其實而家世界係人類發展得太快，以致使各項問題都緊張。你睇下你以前有無需要去咁多興趣班，又咩又物咁先入到一間叫好D既學校 ?

社會道德低落，骨氣只會俾(呢一代)既朋輩當作係on 9 。 有骨氣，無必要走粉 ; 有骨氣，無必要援交。
以前係學校講粗口、食煙已經係嚴重既事，而家只作等閒。你看你的影響力大，還是他們的同學朋輩大?

我，曾經好想生2個小朋友，但香港既問題已經令我卻步。也許我自私，但自私是基於我愛他們，你知道什麼叫 「來生不做中國人」 嗎? 其實我很想要小孩，但我不想做成兩難，惡性循環。

而且你生我生，人口資源分配更成問題，地球資源短缺，百物暴漲，誰對地球、生態滅絕而負責?

而且窮的定義不一，要是標準不同，背景不同，我也予欲無言了。

88年,上年i大畢業,半工讀個19 top up

正職,兼職加埋都係得8k左右,都係為左交學費同俾家用

學費+家用+保險都去左6k,而家讀完個top up都唔覺有乜野用....

拖都未拍過,而且而家連陪fd既時間都無....好驚30歲,女仔手都未掂過....

有時諗咁辛苦都唔知做乜.....

好慶幸,父母健在暫時都算健康,我應該要好好回報佢地....

但係琴日難得放假,想係屋企休息下....點知俾老母叫大掃除,我話好累,唔想郁,同佢吵左兩句

睇到巴打們既留言,我諗返起琴日仲咁唔珍惜家人,真係差d流淚

小弟29有2個月

回想中學只專心玩制服團隊不學無術，

好運地考入大學，亦忽然熱心地上莊，一上玩足三年，確是見過世面，但又重複地荒廢了學業．．．

入社會事需遇上沙士，可幸大學學科好醜還是專業，找到了18K的工作（可惜已好花錢，錯失投資良機）

工作亦有不少成功感，亦創了香港的先河，但熱情過後，不想青春只花在別人身上，我決定為自己而活。

其後找到心儀的工作，亦以為一試成功，以為入左WAITING LIST就掂，點知一WAIT便是三年(是用了三年時間才再一次面試成功）

期間的三年是開心，但沒有意義。

好了現在事業有點成了，既穩定、工作量唔多、收入絕對足夠俾屋企不錯的生活

有賢妻(大學至今）有仔有車買樓亦只是時機而非金錢的考慮。

但卻很清楚現在不是最快樂的時候，

我應該還有更多作為可做，但又不知可做些甚麼。

失落及迷失中．．．

就快30...
夢想...算係一早實現左,但係無左童年同柴娃娃時期.有得必有失.
得到之後,發現失去ge更重要更多...結果...揀左一條唔鍾意行ge路,得到ge係親情同平淡ge生活.
唔鍾意行ge路,係行得辛苦...不過我相信每個年齡都有自己覺得重要ge野,
而家我重視ge係屋企,同埋我愛ge人.
曾經覺得為左夢想,我無哂所有野都得.
現在覺得我可以為左屋企同我愛ge人放棄所有野都係值得.
咁樣可能都算係一種成就.一種進步.

拍緊拖,等緊一個唔知會唔會同我結婚ge人結婚,
算唔算等呢?其實無所謂...我ge愛限期不只30歲.
30歲之後即使呢個人唔同我結婚,我都一樣可以繼續去愛佢.
對我黎講,愛情盡頭唔係結婚,
愛情盡頭仍然係愛情.

30,只是數字同外在ge變化,
我希望30歲後ge我,仍然是我自己.

讀書：讀了很多年書，有一點成績，自己都覺得盡了本分，從來不需父母擔心。

工作：雖然這份工，不是我大學畢業前計劃做的那份，但從這分工裏，我得到很多快樂及滿足感。
未來是否依然快樂，暫時不知道，但偏去好處想。現在也有能力供養父母，但求盡量令他們快樂。

朋友：有很多朋友跟我分享開心和不開心的事，他們也給我很大鼓勵。

到目前爲止，我覺得“比上不足，比下有餘“
或者說，做人樂觀些真的會開心多些。


自覺，有些事，盡了力，就應問心無愧。可能有些事，強求也未必一定好。

細個唔努力讀書, 一直得過且過, 幸好最後都搵到自己想做既事, 慢慢努力去行, 仲有好長既路.

上年轉工, 好好彩遇到一位好好既老細, 好肯教我同俾機會我, 如無意外應該會留係依間公司好長既時間.

感情暫時空白, 認真過, 失去過, 好似睇透左... 或者係社會污染左愛情, 或者係我太傻太天真.

前幾年做錯左, 一個需要用2~3年時間去彌補既錯, 幸好得到屋企人既支持, 但我好內疚令佢地失望..

睇到有位bro話, 何必一出黎就要諗結婚生仔出去住, 點解唔係雙親仲健健康康陪佢地多d?
好感觸.
爸爸媽媽都唔係讀得書多, 辛苦左半世就係為左我同呀妹, 可以既好想搵多個錢去同佢地去下旅行先.

ps: 聽住夏令時間黎睇依個post真係好鬼感觸...

今年25了, 自從上年失業後就頹到而家, 雖然都有野做但人工就

岩岩轉左份新工新field新nature, 人工OK, 但唔知做唔做得耐, 都係見步行步

事業上, 已經冇乜夢想之類既野存在, 而家只係想趁仲有時間搵得幾多得幾多, 可以30左右成家立室時少D壓力 同 閒時可以消費下滿足自己

愛情就...而家單身中, 不過都慶幸使少好多拍拖費, 呢樣而家唔係我priority list中, 而家完全係搵錢至上

家人同朋友暫時都唔錯, 自己景況又同朋友差唔多, 仲岩傾左

暫時而家自己叫就比上不足, 比下又好少少咁啦

89年的我
但求可以快d畢業出黎搵份工夠父母衣食無憂
其次先可以再諗自己同男朋友
有時阿爸阿媽成日鬧我,話我冇出息,會好嬲佢地
但係轉個頭就又好嬲自己點解白白浪費咁多年...
人地下年grad...我今年先係freshman...


唉1999

我今年都要步入27啦.....仲有3個冬天就要面對30大關
回顧過去既26個春秋, 只有學生時期, 中學, 大學 既回憶係無論幾時想起都係一個個會心微笑既故事.
工作左差唔多4年....搵左兩份工, 人工唔高亦唔算低
但係身邊就越黎越多人月入過兩萬, 買樓, 結婚 生 小孩
自己就仲係一支公, 夜媽媽MSN上高登
寂寞既時候係個phone list度都搵唔到一個可以傾訴既對象.

自問個樣都唔差, 才華墨水都叫有D, 身家亦不置於一貧如洗, 足襟見肘....
返工放工之余, 都會不斷進修
此時此刻我諗我最希望都係身邊有人能陪我細數每晚既星空.

85

仲有半年就25歲
兩年前開始打一份又hea但係又好仆街ge銀行工
最近兩年半工讀咁搞掂左個self fin. bachelor
叫做係個大學生
以為終於目標完成可以轉工 / 內部轉職
點知個就業市場差到咁樣
做finance ge得番d frontline sales工
想做d back office位又俾人話冇經驗
想內部轉職又俾HR hea我
今年報埋個master讀
又要考專業試
好似個冇底洞咁
讀完---> 冇人請 ---> 搵野讀 ---> 讀完---> 冇人請 ---> 搵野讀 --->.....

依家還學費+卡數+供樓都已經好辛苦
好彩我女友唔大洗
又肯同我住公屋